326                                           REGISTRES DU BUREAU                                       [i563]
CCCCXCI. — Convoy de mons1, L'Escalopier, Eschevin.
i5, 16 novembre i563. (H 1784, fol. 222 r°.)
Le lundi, quinziesme jour de Novembre milvelxiu, Mess™ les Prevost des Marchans et Eschevins de la ville de Paris feurent advertiz du trespas de feu m" Jehan L'Escalopier. Et led. jour de relevée, la semonce fut faicte à mesd. s" et aux officiers du corps de lad. Ville au Bureau d'icelle ; par quoy envoyèrent à l'instant querir l'appoticaire de la Ville, auquel il fut commandé faire seize torches de deux livres pieces, armoyées des escussons et armes de lad.Ville.
Envoyèrent querir les harnouars porteurs de sel, et leur commandèrent eulx trouver le landemain, à neuf heures du matin, en l'Hostel de lad. Ville, où leur seroit delivré lesd, seize torches et aller devant au logis dud. L'Escalopier, rue S'Denis, les actendre pour porter lesd, torches allumées à l'entour du corps dud. deffunct, quant on le porteroit en terre.
Mandèrent mesd. s™ les sergens d'icelle Ville, et leur ordonnèrent de eulx se trouver led. jour, à neuf heures du matin, vestuz de leurs robbes de livrée, et leur navire sur l'espaulle, ce qu'ilz promisrent faire.
Le landemain mardi, xvi0 jour dud. moys, sur les entre huit et neuf heures du matin, vindrent en l'Hostel de lad. Ville seize crieurs, vestuz de deul et ayans chacun deux escussons aux armes dud. def­funct devant et derriere, d'asur à une croix d'or et
1                                                '
quatre croissans d'argent (1>. Et après avoir salué mesd. s™ en leur PetitBureau, se sont retirez au Grant Bureau, et ont sonné de leurs sonnettes et crié à haulte voix : #ites voz patenostres pour noble homme maistre Jehan L'Escalopier, Receveur el payeur de Mess" de la Court de Parlement, et l'ung des quatre Eschevins de lad. Ville; ce faict, sont sortiz en la place de Greve et ont réitéré led. cry.
Et environ dix heures du matin, Mess" ies Pre­vost des Marchans et Eschevins de lad. Ville, acom-paignez des officiers du corps d'icelle, sont partiz de .l'Ostel de lad. Ville, vestuz de leurs robbes my parties, en l'ordre qui ensuit :
Premierement, envoyèrent devant lesd, seize ha-nouars avec lesd, seize torches aux armoiryes de lad. Ville.
Après, marchoient lesd, sergens de lad. Ville, ves­tuz de leurs robbes my parties et navire.
Suyvoient Mess" les Prevost des Marchans, Es­chevins et Greffier, achevai, vestuz de leursd, robbes my parties.
Après eulx suyvoit monsr Ie Procureur du Roy et de lad. Ville, vestu de sa robbe toute d'escarlalte, et avec luy monsr le Receveur de la Ville, vestu de ses bons habitz noirs, aussi à cheval.
En tel ordre allerent descendre au logis dud. def­funct, rue S' Denis, et trouverent son corps à l'huys de sa maison, et luy donnerent de l'eaue béniste; puis montèrent en la chambre tendue de deul, où trouverent monsr le premier president t2', mons7 Gayant <3>, le grant maistre de Navarre'4', et autres personnages semons aud. enterrement. Et après que les quatre Ordres mendians, les Mynymes avec les gens d'église de sa parroisse S' Jacques de la Bou­cherye eurent dit vigilles de mors sur led. corps, par­tirent dud. logis et allerent en l'eglise S1 Jacques en l'ordre qui ensuit :
Marchoient devant les Mandians.
Les\ Mynymes portoient le corps dud. deffunct et le poisle, devant eulx les curé et chappellains de S' Jacques de la Boucherye, à l'entour du corps estoient les seize hanouars, portant seize torches allumées aux armes de lad. Ville.
Après led. corps suyvoient à pied les sergens de lad. Ville, Mess" de la Ville, Greffier, Procureur et Receveur, comme dessus.
Après eulx marchoit le deul, mené par mess" les premier president, monsr Gayant et autres conseil­lers de la Court.
Après eulx suyvoient grant nombre de parans, bourgeois et marchans de lad. Ville, allerent jusques en lad. eglise S' Jacques, où Mess" se misrent aux haultes chaizes du cueur du costé dextre, et durant
O Les armoiries de la famille L'Escalopier sont gravées dans l'ouvrage de Blanchard, Les présidents à mortier du Parlement de Paris, article du président Jean L'Escalopier, fils de l'échevin L'Escalopier.
(2) Christophe de Thou, premier président du Parlement depuis le i4 décembre 1562.
O Louis Gayant, docteur en droit, qui exerçait les fonctions de conseiller lai depuis le 17 décembre 1522 et doyen des con­seillers, car il ne peut être question dans cette cérémonie de son fils Thomas, reçu en survivance le i3 novembre i563.
O Jean Pelletier, docteur en théologie, grand maitre du collège de Champagne ou de Navarre.